Тошкент шаҳар Миробод туманида 6 кг. гиёҳвандлик воситаси савдосининг олди олинди, дея хабар бермоқда Тошкент шаҳар ИИВ Матбуот хизмати.
Тошкент шаҳар Миробод туманида ўтказилган тезкор тадбирда гумонланувчининг уйи холислар билан кўздан кечирилди. Натижада у ердан 1 кгдан ортиқ турли хилдаги гиёҳвандлик воситалари, электрон тароғи, қадоқлаш учун пакетлар топилган ва ашёвий далил сифатида олинган.
Гумонланувчи ўз уйини омбор сифатида фойдаланиб келганлиги аниқланди. Ўтказилган тезкор тадбирда 4 млрд 400 млн сўмга тенг бўлган жами оғирлиги 6 кг 80 грамм турли хилдаги гиёҳвандлик воситалари олинди. Натижада 304 минг инсонни гиёҳвандлик воситаларидан заҳарланиши олди олинди.
Комментарии