Ўзсувтаъминот Матбуот хизмати хабарига кўра, эски турдаги ҳисоблагичларнинг кўрсаткичларини ўз вақтида маълумотлар базасига топширилмаслиги тўловларда тушунмовчилик ва кечикишларга сабаб бўлаётган эди.
Янги смарт-ҳисоблагичлар эса:
— сув истеъмоли ва босимини аниқлик билан ўлчайди;
— носозликлар ва ташқи аралашувларни аниқлайди;
— барча маълумотларни масофадан узатади.
Дастлабки синовлар Шайхонтоҳур туманининг айрим ҳудудларида муваффақиятли ўтказилди. Эндиликда эски ҳисоблагичларни смарт-ҳисоблагичларга алмаштириш ишлари жорий йилнинг учинчи чорагидан бошлаб белгиланган режа асосида Янгиҳаёт туманидан бошланади.
Ҳисоблагичлар аҳоли хонадонларига мутлақо бепул ўрнатилади.
Янги тизим нафақат хизмат кўрсатиш сифатини оширади, балки ҳисоб-китобларда аниқ ва шаффоф ёндашувни таъминлайди.
Комментарии