Режали профилактика ишларини амалга ошириш мақсадида 2 августдан бошлаб 6 та "Технопарк-Янгиобод" бекатидан иборат метро йўналишида поездлар ҳаракати тўхтатилади. Бу ҳақда пойтахт метрополитени матбуот хизмати хабар бермоқда.
Қайд этилишича, режалаштирилган ишлар ер усти эстакадалари ва станцияларида амалга оширилади. Улар метро поездлари ва йўловчилар ҳаракати хавфсизлигини таъминлаш, шунингдек, маълум бир фойдаланиш муддатидан кейин сифатли хизмат кўрсатиш учун зарур.
Йўловчиларга қулайлик яратиш мақсадида "Технопарк - Қипчоқ - Технопарк" метро бекатлари оралиғида катта сиғимли автобуслар (метробуслар) нинг бепул қатнови йўлга қўйилади. Автобуслар соат 05:00 дан 23:00 гача ҳаракатланади.
Комментарии