Ўзгидромет хабарига кўра, бугун ва эртага Ўзбекистон ҳудуди бўйича асосан кам булутли ва бироз иссиқ об-ҳаво сақланиб туради, ҳаво ҳарорати 31-34 даража, кечаси ва эрталаб 13-18 даража бўлади.
Ҳафтанинг иккинчи ярмида ҳаво ҳарорати 2-3 даражага кўтарилади ва кундуз кунлари ҳаво 35-37 даражагача исийди. Ҳудуднинг катта қисмида ушбу кунларда кам булутли об-ҳаво сақланиб туради. Фақат республиканинг шимолида ҳаво булутлилик кучайиши кутилмоқда, амма бу ҳудудда ҳам қуруқ об-ҳаво сақланиб туради.
Республиканинг айрим жойларида шамол тезлиги 13-18 м/с гача кучайиши, чанг-тўзонлар билан кузатилиши мумкин.
Тошкентда ҳаво кам булутли бўлади. Шамол шарқдан 3-8 м/с тезликда эсади, 2 сентябрда баъзи жойларда 10-12 м/с гача кучайиши, чанг-тўзонлар билан кузатилиши мумкин.
Ҳарорат кундузи 2-3 сентябрда 31-33 даража, 4-5 сентябрда 35-37 даража бўлади. Ҳарорат кечалари 16-18 даражадан 20-22 даражагача кўтарилади.
Комментарии