Ўзбекистон терма жамоаси аъзоси Нажмиддин Қосимхўжаев (-74 кг) Хитойнинг Уси шаҳрида таэквондо WT бўйича катталар ўртасида ўтказилган жаҳон чемпионатида олтин медални қўлга киритди. Бу ҳақда Ўзбекистон таэквондо ассоциацияси матбуот хизмати хабар бермоқда.
Ўзбекистонлик спортчи финал жангида жаҳон чемпионатлари ва Олимпия ўйинлари бронза медали соҳиби, Бразилия вакили Эдивал Понтесга қарши татамига чиқди. Шиддатли ва қизиқарли кечган баҳсда Н.Қосимҳожиев ғалаба қозониб, терма жамоага олтин медални келтирди.
Шу тариқа, Нажмиддин Қосимхўжаев фаолиятида илк бор жаҳон чемпионати совриндори бўлди ва дарҳол олтин медални қўлга киритди.
Ўзбекистон терма жамоаси Уси-2025 жаҳон чемпионатини 1 та олтин, 1 та кумуш ва 1 та бронза медали билан якунлади.
Комментарии