Метеорология хизмати маълумотларига мувофиқ Тошкент шаҳар ҳокимининг қарорига асосан, марказлашган иссиқлик таъминоти ижтимоий объектларда 2025 йил 3 ноябрдан, турар жой объектларида 5 ноябрдан бошлаб йўлга қўйилади. Бу ҳақда Тошкент шаҳар ҳокимлиги Матбуот хизмати хабар қилди.
“Сизнинг турар-жойингизда ёки раҳбарлик қилаётган муассасангизда иссиқлик таъминоти ёқилиши жараёнида бирор-бир муаммо ва носозликларни аниқласангиз ёки иссиқлик етказиб берувчи ташкилот, ХУЖМШ ва БСК раҳбарлари ёки мутасаддилари томонидан белгиланган ишларни тўлақонли амалга оширилмаётганлигининг гувоҳи бўлсангиз 1055 ёки 71 210-01-87 рақамларига ёки ижтимоий тармоқлардаги саҳифаларимизга мурожаат қилишингизни сўраймиз”, - дейилади хабарда.
Шунингдек, Тошкент вилояти ҳокимининг тегишли қарорига мувофиқ, 2025 йил 3 ноябрдан бошлаб вилоят ҳудудида марказлашган иссиқлик таъминотини улашга рухсат этилди. https://t.me/toshvilpressa/56006
Комментарии