Футбол бўйича Ўзбекистон миллий терма жамоасининг собиқ бош мураббийи Тимур Кападзе Наманганнинг "Навбаҳор" клуби раҳбарияти билан учрашди, дея хабар бермоқда футбол клуби матбуот хизмати.
Учрашувда жамоанинг яқин истиқболдаги режа ва мақсадлари келишиб олинди ҳамда мураббий билан ҳамкорлик шартномаси имзоланди. У бугундан жамоа билан ишлашни бошлайди.
Эслатиб ўтамиз, Тимур Кападзе жорий йилнинг январь ойида миллий терма жамоага янги бош мураббий этиб тайинланган эди. Октябрь ойида Фабио Каннаваро келганидан сўнг, у бош мураббий ёрдамчиси этиб тайинланди, бироқ ноябрь ойидаёқ ўз ихтиёри билан лавозимини тарк этди.
Комментарии