ДЙҲХХ матбуот хизмати хабарига кўра, Сурхондарё вилояти Денов туманида яшовчи фуқаро хизмат вазифасини бажараётган ЙПХ ходимларини видеога олиб, Instagram ижтимоий тармоғидаги шахсий саҳифасига жойлаштирган.
Шу билан бирга, видео ҳақоратли тарзда жойлаштирилган, бу эса ҳуқуқ-тартибот идоралари ходимларининг обрўсизланишига олиб келган.
Мазкур иш бўйича ўтказилган суд мажлисида фуқаро обуначи орттириш мақсадида видео тасвирга олганини айтиб, қилмишидан пушаймонлигини билдирди. Унинг сўзларига кўра, у тарқатган видео 2,5 миллион марта кўрилган ва 4-5 мингга яқин изоҳ қолдирилган.
Жиноят ишлари бўйича Денов туман судининг қарори билан ҳуқуқбузарга нисбатан МЖтКнинг 195-2-моддаси (ҳуқуқни муҳофаза қилувчи органлар ходимларининг обрўсизлантирилишига олиб келадиган тарзда бузиб кўрсатилган фото ва (ёки) видео тасвирларини тарқатиш) билан маъмурий қамоқ жазоси тайинланди.
Комментарии