AТБ “Қишлоқ қурилиш банк” Кузатув кенгашининг тегишли қарорига асосан банк Бошқаруви раисига янги ўринбосарлар тайинланди.
Хусусан, Бобохон Бобожонов Пўлатович AТБ “Қишлоқ қурилиш банк” Бошқаруви раиси ўринбосари этиб тайинланди.
Б.Бобожонов бунга қадар AТБ “Қишлоқ қурилиш банк” тизимида ва Ўзбекистон Республикаси Марказий банки турли лавозимларда ҳамда Тошкент давлат юридик университетининг молия-иқтисод ишлари бўйича проректори вазифасида фаолият юритган.
Шунингдек, Санжар Олимжонов AТБ “Қишлоқ қурилиш банк” Бошқаруви раиси ўринбосари этиб тайинланди.
С.Олимжонов шу кунга қадар AИТБ “Ипак Йўли” Ғазначилик бошқармаси бошлиғи лавозимида ишлаб келаётган эди.
