Ўзбекистон ҳуқуқни муҳофаза қилиш органларининг Қўл жанги федерациясининг навбатдан ташқари Конференцияси бўлиб ўтди. Унда Миллий гвардия қўмондони генерал-полковник Баходир Ташматов, Спорт вазири ўринбосари Авазжон Каримов, соҳавий раҳбарлар, мураббийлар ва спортчилар иштирок этди.
Тадбирда федерация фаолиятини такомиллаштириш, қўл жанги спорт турини ҳуқуқни муҳофаза қилиш органлари тизимида янада ривожлантириш ҳамда федерация раҳбариятини сайлаш масалалари кўриб чиқилди. Делегатлар томонидан Миллий гвардия қўмондони генерал-полковник Баходир Ташматов Ўзбекистон ҳуқуқни муҳофаза қилиш органларининг Қўл жанги федерацияси раиси этиб бир овоздан сайланди. Бу ҳақда Миллий гвардия Матбуот хизмати хабар берди.
Комментарии