Ўзбекистонда Президент фармонига мувофиқ Биофармацевтика миллий илмий-тадқиқот институти ташкил этилади.
Янги институт қуйидаги таълим ва илмий муассасалар негизида ташкил қилинади:
• Ўзбекистон кимё-фармацевтика илмий-тадқиқот институти;
• Тошкент вакциналар ва зардоблар илмий-тадқиқот институти;
• «Шарқ табобати» илмий-тадқиқот институти.
Институт мазкур ташкилотларнинг ҳуқуқий вориси ҳисобланади.
Бундан ташқари, Tashkent Pharma Park инновацион илмий-ишлаб чиқариш фармацевтика кластери ҳудуди кенгайтирилади.
У биотехнология ва фармацевтика соҳасидаги минтақавий илмий-тадқиқот ва ишлаб чиқариш хаби — BioPharma Cityга айлантирилади.
Кенгайтириш учун қўшимча равишда 100 гектар ер майдони ажратилади. Шу билан бирга қуйидагиларни назарда тутиш топширилди:
• ер эгалари, ердан фойдаланувчилар, ижарачилар ва ер участкалари мулкдорларига етказилган зарарни қоплаш Жисмоний ва юридик шахсларга етказилган мулкий зарарни қоплаш бўйича Республика мақсадли жамғармаси маблағлари ҳисобидан амалга оширилади;
• мазкур ер участкалари олиб қўйилиши билан боғлиқ қишлоқ хўжалиги ва ўрмон хўжалиги ишлаб чиқариши йўқотишлари учун компенсация лойиҳа ташаббускорлари томонидан 5 йилгача бўлган муддатда бўлиб-бўлиб тўланади.
Комментарии