"Республика ва маҳаллий ижро этувчи ҳокимият органлари фаолиятида иш жараёнларини рақамлаштириш доирасида қоғоздан фойдаланишни тартибга солиш чора-тадбирлари тўғрисида"ги Ҳукумат қарори қабул қилинди.
Қарорга мувофиқ, 2026 йил 1 июнга қадар:
Ишлатилган қоғозларни йиғиш учун махсус чиқинди қути (контейнер)лари ташкил этилади ва уларни қайта ишлаш корхоналарига етказиш тизими йўлга қўйилади;
Ҳар бир таркибий бўлинмадаги ходимлар сони, иш ҳажми ва ҳақиқий эҳтиёждан келиб чиққан ҳолда, қоғоз сарфи учун чекловлар жорий қилинади.
Шунингдек, 2026 йил 1 майдан республика ва маҳаллий ижро этувчи ҳокимият органларида:
Келгуси 5 йилда харажатлар сметасини тузишда қоғоз, сиёҳ, принтер ва нусха кўчириш ускуналарини харид қилиш харажатлари ҳар йили 15 фоизга камайтирилган ҳолда режалаштирилади;
Принтерлар марказлашган ҳолда умумий фойдаланиш тизимига ўтказилади. Ҳар 20 нафар ходим учун 1 дона принтер ажратилади;
Ҳар ойда 1 маротаба "Қоғозсиз бир кун" экоакцияси ташкил қилинади.
Ушбу чора-тадбирлар идораларда ресурслардан самарали фойдаланиш, экологик тоза муҳитни таъминлаш ва рақамлаштириш жараёнини жадаллаштиришга хизмат қилади.
Комментарии