1 апрель куни эълон қилинган янги рейтингга кўра, Ўзбекистон икки поғона юқорилаб, 1465,34 очко билан 50-ўринни эгаллади. Бунинг олдидан жамоа 52-ўринда эди.
Сўнгги учрашувда Ўзбекистон миллий терма жамоаси бош мураббий Фабио Каннаваро қўл остида Венесуэла миллий терма жамоаси билан 0:0 ҳисобида дуранг ўйнади. Ушбу натижа жамоага рейтингга 0,03 очко қўшиш имконини берди.
Осиё минтақасида Ўзбекистон энг кучли жамоалар қаторида қолмоқда ва 5-ўринни эгаллаб турибди. Ундан юқори ўринларда Япония (18-ўрин), Эрон (21-ўрин), Жанубий Корея (25-ўрин) ҳамда Австралия (27-ўрин) жойлашган.
Жаҳон рейтингида эса биринчи ўринга Франция кўтарилди. У Испания ва Аргентина жамоаларини ортда қолдирди. Шунингдек, кучли ўнликдан Англия, Португалия, Бразилия, Нидерландия, Марокаш, Бельгия ва Германия терма жамоалари ҳам ўрин олган.
Комментарии