Аввалроқ ижтимоий тармоқларда бедарак йўқолган вояга етмаган қиз қидирилгани ҳақида хабарлар тарқалганди.
2009 йилда туғилган ўсмир 16 май куни уйдан чиқиб кетиб, қайтиб келмаган. Эртаси куни отаси ички ишлар органларига мурожаат қилган. Бу ҳақда вилоят прокуратураси хабар берди.
Мазкур ҳолат юзасидан Балиқчи тумани прокуратураси томонидан терговга қадар текширув ҳаракатлари олиб борилмоқда.
Текширув давомида аниқланишича, 16 май куни тахминан соат 15:30 ларда вояга етмаган М.М. дўстлари билан Балиқчи тумани "Сарнавул" маҳалласи ҳудудидан оқиб ўтувчи Қорадарёда чўмилишга борган. Чўмилиш пайтида ўсмир чўкиб кетган.
Қидирув ишлари натижасида вояга етмаган боланинг жасади 20 май куни Андижон-Наманган автомобиль йўлининг Қорадарё дарёси устидан ўтган кўприги яқинидан топилган. Ҳозирда текширув ишлари олиб борилмоқда.
Комментарии