Тошкент вилояти юқумли касалликлар шифохонасининг бош шифокори — вилоят бош инфекционисти Гулжаҳон Йўлдошева 8 сентябрь куни ҳибсга олинган. Бош прокуратуранинг Жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов UzNews.uz мухбирига буни тасдиқлади.
Аммо бош шифокорга қўйилаётган айбловларга ойдинлик киритилмади.
Гулжаҳон Йўлдошеванинг синглиси Шаҳло Йўлдошева BBC News O’zbek’га маълум қилишича, опасига нисбатан 250 миллион сўмлик маблағни талон-торож қилиш бўйича айблов қўйилмоқда.
