“Оммавий ахборот воситалари тўғрисида”ги Қонуннинг янги таҳрирдаги лойиҳаси эълон қилинди.
Ахборот ва оммавий коммуникациялар агентлиги муаллифлигидаги мазкур Қонуннинг янги таҳрирдаги лойиҳаси оммавий ахборот воситаларининг фаолияти соҳасидаги муносабатларни тартибга солади.
Ушбу ҳужжат лойиҳасида ОАВга учувчисиз учадиган аппаратлардан фойдаланишга ҳам рухсат берилиб, ундан фойдаланиш тартиблари белгилаб берилмоқда.
Унга кўра, оммавий ахборот воситалари фото- ва видеоматериалларни тайёрлаш мақсадида қонунчиликда белгиланган тартибда рухсатнома олиш орқали тегишли давлат органи томонидан белгилаб берилган ҳудудларда, қирқ метргача бўлган баландликда, вазни уч килограммдан зиёд бўлмаган учувчисиз учадиган аппаратлардан фойдаланиши мумкин.
