Бухоро вилоятида жорий йилнинг 21 июнь куни 58 ёшли М.С. коронавирус инфекциясида гумонланиб, туман тиббиёт бирлашмасидан вилоят юқумли касалликлар шифохонасига олиб борилган.
Фуқаро «юрак ишемик касаллиги, стенокардия, гипертония касаллиги, семизликнинг 3-даражаси, ўпка артерияси тромбоэмболияси. Нафас етишмовчилиги 3-даража» ташхиси билан реанимация бўлимига ётқизилган.
Қайд этилишича, бемор сўнгги 8 йил давомида юрак ишемик касаллиги, стенокардия, артериал гипертония, юрак етишмовчилиги ташхиси билан даволаниб юрган.
Бемор шу кунгача шифокорлар назоратида бўлган. Лекин, стандартлар асосида ўтказилган реанимацион муолажаларига қарамасдан, ўткир юрак қон-томир ва нафас етишмовчилигидан вафот этган.
