27 апрель куни соат 11:30да Тошкент шаҳрининг Учтепа тумани, ТҲАЙ кўчасида ҳайдовчи ўлимига сабаб бўлган ЙТҲ содир бўлди. Бу ҳақда ИИВ хабар бермоқда.
"ГАЗ-322132" ҳайдовчиси А.К. асосий йўлдан ҳаракатланиб келаётган, фуқаро Б.Х. бошқарувидаги "Hyundai porter" юк машинасига йўл бермаганлиги оқибатида тўқнашув содир бўлган.
Тўқнашув оқибатида "Hyundai porter" русумли юк транспорт воситаси ҳайдовчиси Б.Х. оғир тан жароҳатлари олиб, воқеа жойида вафот этган.
