Халқаро пресс-клубдаги брифингда Соғлиқни сақлаш вазири Алишер Шодмонов Ўзбекистонда COVID-19 билан касалланган бир нафар шахсга қанча пул сарфланаётганини маълум қилди.
Унинг сўзларига кўра, Ўзбекистонда коронавирус инфекциясига чалиниб, даволанаётган ўрта аҳволдаги ҳар бир бемор учун 32 млн сўмдан маблағ сарф қилинмоқда. Оғир аҳволдаги, жонлантириш бўлимида ётган ҳар бир беморга ўртача 64 млн сўмдан маблағ сарфланмоқда.
Карантинда бўлиб турган фуқароларнинг ҳар бири учун эса 14 кунлик карантин даврида 2,4 миллион сўмдан, коронавирусдан тузалиб, реабилитацияга олинган ҳар бир бемор тикланиши учун 2,8 миллион сўмдан сарфланмоқда.
