14 апрель куни соат 12:40 атрофида Тошкент шаҳар, Олмазор тумани Нурафшон-Чиғатой кўчалари кесишмасида Ford русумли тез тиббий ёрдам машинаси ва Epica автомобили иштирокида ЙТҲ содир бўлди.
ИИВ ЙҲХББнинг хабарига кўра, тез ёрдам машинаси ҳайдовчиси Г.И. яшил чироқда кесишмадан ҳаракатланиб ўтаётган ҳайдовчи Н.С. бошқарувидаги Epica русумли транспорт воситаси билан тўқнашган.
Оқибатда Epica ҳайдовчиси ва йўловчиси, Ford ҳайдовчиси ва икки нафар йўловчиси тан жароҳати билан шифохонага олиб кетилган. Мазкур тўқнашув юзасидан ҳозирги вақтда суриштирув ишлари олиб борилмоқда.
