Шавкат Мирзиёев Японияга бўлган расмий ташрифи давомида музокараларда иштирок этиш учун Токиога учиб келди.
“Ханэда“ халқаро аэропортида Ўзбекистон президентини Япония таълим, маданият, спорт, фан ва технологиялар, таълим тизимини тиклаш масалалари вазири Хагиуда Коичи, Япония Ташқи ишлар вазирлигининг Марказий Осиё бўйича махсус вакили Хидеки Уяма ва бошқа расмий шахслар кутиб олди, деб хабар бермоқда президент матбуот хизмати.
Бугун Токиода Япония Бош вазирининг ўринбосари, молия вазири Таро Асо, Япония парламентининг Ўзбекистон билан дўстлик лигаси фаоллари ҳамда Япониянинг етакчи компания ва банклари вакиллари билан учрашувлар бўлиб ўтади.
