22 октябрь куни тахминан соат 22:00да Хоразм вилоятининг Янгиариқ туманида 45 ёшли якка тартибдаги тадбиркор К.Ғ. аёли ва икки нафар фарзанди билан қўлбола иситиш печи ўрнатилган хонада ухлаб қолиб, ис газидан заҳарланиб вафот этишган. Бу ҳақда Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов хабар бермоқда.
Мазкур ҳолат юзасидан туман прокуратураси томонидан терговга қадар текширув ҳаракатлари олиб борилаётгани хабар қилинмоқда.
