Ўзгидромет маълумотларига кўра, 28 сентябрь кунидан бошлаб ҳаво ҳарорати бир оз пасайиши кузатилади. Ҳаво ҳарорати кечаси +14...+19 даражани, кундузи эса +27...+32 даражани ташкил этади.
Якшанбадан душанбага ўтар куни мамлакатимиз ҳудудлари ғарбий Қозоғистон ҳудудларидан кириб келган салқин ва нам ҳаво массалари таъсир остида бўлади.
29 сентябрда Қорақалпоғистон, Хоразм вилояти, 30 сентябрда Тошкент, Самарқанд, Жиззах, Сирдарё, Андижон, Наманган, Фарғона вилоятларининг баъзи жойларида бир оз ёмғир ёғиши мумкин. Республиканинг баъзи ҳудудларида шамол 15-20 м/с гача кучайиши кутилмоқда.
Душанба куни ҳаво ҳарорати меъёрдан +5...+7 даражага камроқ, яъни кечаси +7...+12 даражагача, кундузи +18...+23 даражагача пасаяди.
