«Аҳоли ва иқтисодиётни энергия ресурслари билан барқарор таъминлаш, нефть-газ тармоғини молиявий соғломлаштириш ва унинг бошқарув тизимини такомиллаштириш чора-тадбирлари тўғрисида»ги қарор доирасида Энергетика вазирлиги тузилмасида қатор тайинловлар амалга оширилди. Бу ҳақда Ўзбекистон Энергетика вазирлигининг расмий Telegram-каналида хабар берилмоқда.
«Ўзбекнефтегаз» АЖ бошқарув раиси Сидиқов Баҳодир ўз лавозимида қолган.
«Ўзтрансгаз» АЖ бошқарув раиси этиб Улуғбек Ҳусанович Сайидов тайинланди. У аввал «Ўзбекнефтегаз» АЖ бошқаруви раисининг биринчи ўринбосари лавозимида ишлаган.
«Ҳудудгазтаъминот» АЖ раиси этиб, «Ўзтрансгаз» акциядорлик жамияти бошқарувининг раиси бўлиб ишлаган Баҳодир Бешимович Эшмуратов тайинланган.
