Тошкент шаҳар ёнғин хавфсизлиги бошқармасининг хабар беришича, 4 июль куни соат 6:33да Яккасарой тумани, Миробод кўчаси, 35-уй қаршисида жойлашган янги қурилаётган уйнинг ертўласида пенопласт бўлаклари 40 кв.м. майдонда ёниб кетган.
Ёнғин ўчириш экипажлари ҳодиса жойига соат 06:37да етиб боришган ва тезкор ҳаракатлар натижасида ёнғин соат 06:44да бартараф этилган. Ёнғинни ўчириш учун 4та ёнғин ўчириш техникаси жалб қилинган.
Ёнғиннинг тахминий сабаби — чекаётганда эҳтиётсизликка йўл қўйилгани. Етказилган зарар миқдори аниқланмоқда.
