Ўзбекистон ДБҚ матбуот хизматининг хабар беришича, «Тошкент-Деҳли» йўналиши бўйича учиб кетаётган фуқаро А.А. яшил йўлакдан ўтаётганида унинг хатти-ҳаракатлари божхоначилар эътиборини тортган.
Текширув давомида ушбу фуқаро камарининг ўтказгичи тилладан ясалиб, божхоначилар пайқамаслиги учун қора рангга бўялгани фош этилган. Шунингдек, фуқаронинг оёқ кийимлари ичига ҳам тилла яширгани аниқланган.
Дастлабки ҳисобларга кўра, олинган ашёвий далилларнинг вазни 200 граммни ташкил этиб, умумий қиймати 59 миллион сўмга тенглиги маълум бўлган.
Айни пайтда ушбу ҳолат юзасидан божхона текширувлари ўтказилмоқда.
