Тошкент вилояти ҳуқуқни муҳофаза қилувчи органлари ходимлари томонидан Beeline Uzbekistan компаниясини портлатиб юборишини айтиб таҳдид қилган В.М. қўлга олинди, деб хабар берилмоқда ИИВ хабарида.
4 апрель куни номаълум шахс “Beeline” уяли алоқа компаниясига қўнғироқ қилиб, ҳисоби тўлдирилган бўлса ҳам қўнғироқ қилолмаётганини, агар 5 дақиқада ҳисоб рақамимини ёқмаса, компанияни портлатиб юборишини айтиб, алоқани узиб қўйган.
Олиб борилган тезкор аниқлов тадбирлари натижасида В.М. қўлга олинган. Ҳолат юзасидан суриштирув ишлари олиб борилмоқда.
