“UzCarlsberg” заводи ўз фаолиятида энг юқори талаб ва стандартларга амал қилади. Компанияда менеджмент тизимининг ISO 9001 ва 22000 сифатлари жорий этилган. Эндиликда эса UzCarlsberg –Мюнхен техника университети сертификатини олган Ўзбекистондаги биринчи халқаро завод бўлди.
МТУ Бавариянинг ягона техника университети, Германиянинг энг йирик олий таълим муассасаларидан бири ҳисобланади. Университет Европанинг энг яхши университетлари 20 талигига ҳамда Германиянинг энг яхши университетлари 5 талигига киради.
Вайнштефан тадқиқотлар маркази МТУнинг бўлимларидан бири бўлиб, 1040 йилдан буён солод ичимликларини ишлаб чиқарган монастирь базасида яратилган. Ўзининг минг йиллик тарихи давомида Вайнштефан озиқ-овқат ишлаб чиқариш соҳасида нуфузли марказларнинг бирига айланган.
Ҳар йили бутун дунё ва Бавария бўйлаб юзлаб ишлаб чиқарувчилар ушбу тадқиқотлар марказида сертификациядан ўтишади. Маҳсулот этикеткасида бўлган «Continuous quality testing» ёзувли «TUM» муҳри – МТУнинг доимий мониторинги остида бўлган ўзгартириб бўлмас сифат кафолатидир.
Сертификациялаш жараёни қандай тарзда ўтган? МТУ учун бу ҳудуддаги илк лойиҳа бўлган, улар заводни ва ишлаб чиқиш жараёнини тўлиқ кўздан кечириш учун ўз вакилини юборишган. Барча жараён билан тўлиқ танишган германиялик мутахассислар ишлаб чиқаришдаги сифат стандартини ҳамда фойдаланиладиган хом ашёни қониқарли дея баҳолашган. Кейинги босқич эса маҳсулотнинг ўзини синовдан ўтказиш бўлган. Ижобий анализ натижалари UzCarlsberg компаниясига биринчи уринишдаёқ илк синовдан ўтказиш жараёнидан кейин TUM муҳридан фойдаланиш ҳуқуқини берган. Аммо, бу фақатгина бошланиши: сертификациялаш жараёни шундайки, сифат стандарти ўзгармаслигини тасдиқлаб бориш учун маҳсулот намуналарини ҳар ойда юбориб туриш зарур.
Мюнхен техника университети 1868 йилда ташкил этилган. Ушбу университетда 17 нафар Нобель мукофоти лауреатлари катта бўлишган, Германиядаги йирик корхоналар асосчилари ва раҳбарлари ушбу университет битирувчилари ҳисобланади. МТУ дипломлари эса BMW, Siemens, Volkswagen, Bayer AG ва бошқа компаниялар топ-менеджерларининг кабинетларини безатиб туришибти.
UzCarlsberg МЧЖ 100 фоизли хорижий инвестицияга эга компания бўлиб, республикада 2007 йилдан буён ишлаб чиқариш фаолиятини олиб боради. 2017 йилдан буён корхона етакчи халқаро брендларнинг ичимликларини дунёнинг 40 дан ортиқ мамлакатлари бозорларида ишлаб чиқариш ва реализация қилиш бўйича катта тажрибага эга CBC компанияси ҳалқаро гуруҳининг бир қисми ҳисобланади. Ҳозирги кунда UzCarlsberg экспорт қилиш билан ҳам шуғулланади; бундан ташқари, завод маҳсулоти 2008 йилдан буён Россия лицензияси асосида ишлаб чиқарилади.
UzCarlsberg’да бепул Visitor center фаолият юритади, бу ерда экскурсия давомида 20 ёшдан катта бўлган хоҳловчиларга компаниядаги сифат стандарти ҳақида гапириб беришади.
