«Тошкент-Қобул» йўналиши бўйича учиб кетаётган фуқаро Ш.Ш. “яшил” йўлак орқали ҳаракатланиш чоғида божхона ходимларининг эътиборини тортган, ва шундан сўнг фуқаро шахсий кўрикдан ўтказилган.
Натижада унинг эгнидаги курткасининг чўнтакларида божхона назоратига тақдим қилинмаган ва божхона ходимининг оғзаки сўровида айтилмаган, жисмоний шахслар учун белгиланган олиб чиқиш меъёридан ортиқ бўлган жами 25 350 АҚШ доллари борлиги аниқланган.
Ўзбекистон Республикаси ДБҚнинг хабарига кўра, ҳозирда мазкур ҳолат юзасидан божхона текширувлари давом эттирилмоқда.
