Адлия вазирлигининг Telegram каналида хабар берилишича, ҳукуматнинг айрим қарорларига ўзгартириш киритилган.
Ўзгартиришларга мувофиқ, чет эл фуқаролари ва фуқаролиги бўлмаган шахсларга кўп марталик кириш-чиқиш визаларини эндиликда 3 йилгача бўлган муддатга расмийлаштириш мумкин.
Бунда виза учун 300 АҚШ доллари миқдорида тўлов амалга оширилади. Илгари ушбу визаларни узоғи билан бир йилгача бўлган муддатга расмийлаштирииш мумкин эди.
Хорижий инвестициялар иштирокидаги корхоналарни давлат рўйхатидан ўзи бориб ўтказганлик учун давлат божи энг кам ойлик иш ҳақининг ўн баравари этиб белгиланди (илгари бу учун энг кам ойлик иш ҳақининг ўттиз икки баравари миқдорида пул тўланган).
