Мудофаа вазирлиги томонидан ўтказилаётган ҳарбий-жанговар тайёргарликни назоратдан ўтказиш бўйича комплекс чоралар режасига асосан ҳарбий автомобиллар колоннаси машғулотлар ўтказилаётган ҳудудга томон ҳаракатланган. Автотрасса чорраҳасида ҳаракат ҳарбий автомобил инспекцияси томонидан бошқарилган. Инспекторнинг ҳаракатни чекловчи кўрсатмасига бўйсунмасдан, 70 U 110 MA давлат рақамли "Ласетти" автомобили ҳаракатланишни давом эттирган.
Натижада "ЗИЛ-131" ҳарбий юк машинаси билан тўқнашув содир бўлган. Енгил автомобилда бўлган уч киши - ҳайдовчи ва икки нафар йўловчи ҳалок бўлган ҳамда бир киши жароҳатланган.
Жабрланган йўловчига тиббий ёрдам кўрсатилгани маълум қилинган.
