Компютер ва рангли принтер ёрдамида 22 ёшли Зиёвуддин Илҳомиддинов енгил пул топиш пайига тушди. У ўз уйида сўнгги технологиялардан фойдаланган ҳолда 30 дона эллик минг сўмлик купюраларни рангли принтердан чиқариб олади.
Ушбу қалбаки пулларни Олмалиқ шаҳрида ўз шахсий эҳтиёжи учун ишлатади. Ўзбекистон Республикаси Бош прокуратураси ҳузуридаги иқтисодий жиноятларга қарши курашиш департаментининг Тошкент вилоят бошқармаси Оҳангарон шаҳар бўлими томонидан олиб борилган тезкор ҳаракатлар натижасида ушбу шахснинг ноқонуний фаолиятига чек қўйилди.
Ушбу жиноят иши юзасидан Жиноят кодексининг 176 моддасига асосан жиноят иши қўзғатилган.
