Айни кунларда Полша пойтахти Варшава шаҳрида шахматнинг блис ва рапид йўналишлари бўйича жаҳон чемпионати бўлиб ўтмоқда. Унда иштирок этаётган ўзбекистонлик Нодирбек Абдусатторов (2593) 5 карра жаҳон чемпиони Магнус Карлсенга (2842) қарши дона сурди.
10-тур доирасидан ўрин олган ушбу баҳс турнир жадвалидаги яққол пешқадамликни аниқлаб бериши билан янада аҳамиятли бўлган.
Бунгача Карлсен 7.5 очко билан биринчи, 17 ёшли Нодирбек Абдусатторов эса 7 очко билан иккинчи поғонани эгаллаб турган эди.
Беллашув Нодирбекнинг ғалабаси билан якунланди.
Рапид йўналишида яна 3 турдан сўнг ғолиб аниқланади.
Маълумот учун, ҳар икки шахматчи 2019 йил ҳам куч синашган ва унда кучлар тенг келган эди.
