Аввалроқ, ижтимоий тармоқларда "Жиззах сув таъминоти" МЧЖ ходими сув сизиб чиқаётган полиетилен қувурни скотч ёрдамида ямаётгани акс этган видео тарқалди.
Шундан сўнг, "Ўзсувтаъминот" Матбуот хизмати ҳолат бўйича муносабат билдирди.
Қайд этилишича, мазкур ҳудудда пайвандлаш ишлари якунланиб бўлган.
Видеолавҳадаги жараёнда пайвандлаш меъёрий қоидаларига асосан синаш ва текшириш ишлари олиб борилаётган бўлган. Тармоққа керакли босим берилганда носозлик аниқланган нуқталарга вақтинчалик скотчдан фойдаланган.
Синаш ишлари якунига етгандан кейин тармоқдаги барча носозликлар чилангарлар томонидан пайвандлаш қоидаларига асосан якунига етказилган.
