Жорий йилнинг 4 декабрь куни Сурхондарё вилояти Денов туманида соат 21:30 атрофида ўлим билан боғлиқ йўл транспорт ҳодисаси содир этилди.
Аниқланишича, пиёда йўлнинг чапдан ўнг томонида кесиб ўтаётган вақтида, ВАЗ-2106 автомашинасини 1997 йилда туғулган ҳайдовчи бошқариб келаётиб пиёдани уриб юборган. Ушбу ЙТҲ натижасида жабрланувчи олган тан жароҳати натижасида шифохонада вафот этган.
"Йўлда келаётганимда пиёдани 10 метр масофа қолганида кўриб қолдим. Рулни ўнг тарафга бурганимда пиёда ҳам ўнг томонга қараб ҳаракатланди. Шу вазиятда уни уриб юбордим. Пиёда йўлнинг четига чиқиб кетди. Шундан сўнг, уни автомобилимга солиб, шифохонага олиб бордим. Сўнгра, ўз хоҳишим билан ИИБ бўлимига келдим", деди пиёдани уриб юборган ҳайдовчи.
