Жорий йилнинг 9 декабрь куни Жиззах вилояти Шароф Рашидов туманида жойлашган 6 мактабнинг икки нафар ўқувчисини кеч соат таҳминан 19:30 да 22 ёшли ҳайдовчи бошқарувидаги "Газ 24" автомашинаси уриб юборган.
Бу ҳақда UzNews.uz'га Жиззах вилояти ИИБ ЙҲХБ Ахборот хизмати хабар берди.
Ушбу ЙТҲ натижасида уларнинг бир нафари олган тан жароҳати билан воқеа жойида вафот этган.
Жабрланганларнинг иккинчиси оғир аҳволда шошилинч тез тиббий ёрдам касалхонасига ётқизилган.
Аниқланишича, улар ака-ука бўлишган. Ушбу болалар ота-онасининг эътиборсизлиги туфайли, уйига сув олиб келиш мақсадида, кўчага чиқиб, йўлнинг қатнов қисмидан нариги тарафга ўтмоқчи бўлишган.
