Uzbekistan Airports Миллий авиакомпанияси Транспорт вазирлиги ташаббуси билан Silk Avia минтақавий шўба авиакомпаниясини ташкил этди, дея хабар қилди авикомпания Матбуот хизмати.
Silk Avia авиакомпанияси жорий йилнинг сентябрь ойида рўйхатдан ўтган эди. Янги авиаташувчи келаси йилдан парвозларни бошлашни режалаштирмоқда.
Қайд этилишича, 14-18 ноябрь кунлари Дубай шаҳрида бўлиб ўтган Dubai Airshow-2021 халқаро ҳаво кўргазмаси доирасида Uzbekistan Airports ва HAS Aviation GT LLC МЧЖ ўртасида минтақавий авиакўргазмалар яратиш бўйича стратегияни ишлаб чиқиш бўйича келишув имзоланган.
“Биз бозорда ўзбекистонликлар учун ҳамёнбоп нархларда ички ҳаво қатновларини таъминлайдиган авиакомпания яратишни мақсад қилганмиз. Яқин-яқингача Ўзбекистон шаҳарларини боғловчи тўғридан-тўғри рейсларнинг йўқлиги катта муаммо эди. Самарқанддан Хоразмга бориш учун йўловчилар Тошкент орқали учишлари керак эди. Бизнинг вазифамиз ички ташишни нафақат пойтахтдан ҳудудларга тамойили бўйича, балки ҳудудлар ўртасидаги модель бўйича ҳам ташкил этишдир. Режаларда 40 тагача маршрут ишлаб чиқиш ва йўловчилар сиғими 70 кишигача бўлган ҳудудий ҳаво кемаларини харид қилиш кўзда тутилган. Тарифлар темир йўл тарифлари билан таққосланади. Бу ички туризм ривожига ҳамда истеъмолчи учун авиачипталарнинг якуний нархига ижобий таъсир кўрсатади”, - деди Uzbekistan Airports бошқаруви раиси Раъно Жўраева.
Биринчи босқичда авиакомпания Uzbekistan Airports томонидан ташкил этилган. Келгусида уни хусусий секторга ўтказиш режалаштирилган.
“Silk Avia ўзини “Ўзбекистон ҳаво йўллари” миллий авиаташувчисига рақобатчи бўлмайди, балки ички ташишларни ташкил этишда ҳамкор сифатида ишлайди”, - дейилади Uzbekistan Airports Матбуот хизмати хабарида.
