Таниқли дубляж актёри, соҳир овоз соҳиби, ўзининг ширали овози билан киномухлислар меҳрини қозонган, камтарин ва фидойи ижодкор Санжар Саъдуллаев бугун 67 ёшда вафот этди, дея хабар берди Маданият вазирлиги Ахборот хизмати.
Санжар Саъдуллаев 1954 йил 10 июль куни Тошкент шаҳрида таваллуд топган. У Тошкент давлат театр ва санъат олийгоҳининг "Драма ва кино актёри" бўлимини тамомлаган.
У дубляждаги фаолияти давомида ўзига хос дубляж мактабини яратиб, юзлаб фильм ва сериалларга овоз берган.
