Тошкентда пандемия билан курашиш давомида жонини фидо қилган тиббиёт ходимлари хотирасига бағишланган акция бошланди. Бу ҳақда шаҳар ҳокимлиги Матбуот хизмати хабар бермоқда.
11 декабрь куни соат 10:00 да Ғалаба боғига кириш олдидаги майдончада Хотира хиёбонини ташкил қилиш ишларига старт берилади.
Биринчи босқичда 61 та дарахт экилади: чинорлар, қайрағоч ва акациялар.
Қайд этилишича, акция ташкилотчилари — Ўзбекистон Ландшафт санъати уюшмаси Олмазор туман ҳокимлиги билан биргаликда.
Хусусий компания ва шахсларнинг ҳомийлиги ҳам ишлар янада ривожланишига ёрдам беради. Шу боис ушбу ташаббусга бефарқ бўлмаган тошкентликлар дарахтларни экишда иштирок этиш ва лойиҳага ҳомийлик ёрдамини кўрсатишга таклиф қилинади.
