Бош прокуратура ҳузуридаги Департаментнинг Қибрай туман бўлими, ДХХ ва вилоят ИИББ ходимлари ҳамкорлигида тезкор тадбир ўтказилди.
Тадбир давомида Тошкент туманида жойлашган кийим-кечак савдо бозори ҳудудида ноқонуний валюта олди-сотдиси билан шуғулланаётгани учун фуқаро А.А. ушланган.
А.А. фуқаро С.га 4 800 долларни 51,8 млн сўмга сотаётганида қўлга олинган. Шунингдек, эркакдан $15 383, 264 минг тенге, 89 минг рубль ва 414,3 млн сўм олиб қўйилган.
Мазкур ҳолат юзасидан ЖКнинг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
