"Uzbekistan Airways" АЖ янги йил байрами муносабати билан шу йилнинг 31 декабридан 2022 йил 4 январга қадар мамлакат бўйлаб амалга оширилаётган ички рейслар авиачипталарига 30% дан 50% гача чегирмалар эълон қилди.
Чегирмалар Ўзбекистон шаҳарлари ўртасидаги барча қатновларга амал қилади ва қуйидаги тоифадаги йўловчилар учун тақдим этилади. БУ ҳақда Транспорт вазирлиги Ахборот хизмати хабар берди.
– Якка тартибдаги йўловчилар 30%;
– Туристик гуруҳлар (5 ва ундан ортиқ киши), мактаб ўқувчилари, коллеж, лицей, ОТМ талабалари, ИИВ, МВ, ДХХ, ДСҚ, ДБҚ тизимлари талабалари ва тингловчилари ва бошқа идоралар учун 40%;
– Оила учун 50% (2 ва ундан ортиқ, яъни: эр-хотин ва уларнинг 18 ёшдан ошмаган фарзандлари, ота ва унинг 18 ёшдан ошмаган фарзандлари ёки она ва унинг 18 ёшдан ошмаган фарзандлари) ;
– Нафақахўрлар учун 50%;
– Ногиронлиги бор шахсларга 50% ;
– 1941-1945 йиллар уруш қатнашчилари ва уларга тенглаштирилган шахсларга 50%;
– 1941-1945 йилларда уруш ва меҳнат фронтида кўрсатган фидокорлиги учун орден ва медаллар билан тақдирланганлар учун 50%;
– Чернобил АЕС ҳалокати оқибатларини олдини олишда иштирок этган иштирокчилар учун 50%.
Эслатма: 2 ёшдан 12 ёшгача бўлган болаларга чегирмалардан 1 тасини қўллашга рухсат берилади. Бир нечта чегирмаларни бирлаштиришга йўл қўйилмайди. Юқорида кўрсатилган чегирмалар чақалоқлар ва 2 ёшга тўлмаган болалар учун амал қилмайди. Авиачипта харид қилаётганда тасдиқловчи ҳужжатларнинг нусхалари бўлиши керак.
