Президент матбуот котиби Шерзод Асадов ўтказаётган брифингида Шавкат Мирзиёевнинг ҳафталик иш жадвалини эълон қилди.
Давлат раҳбарининг ҳафталик иш жадвали қуйидагича режалаштирилган:
— Бугун Туркия Республикаси вице-президенти Фуат Октай билан учрашув, мис ишлаб чиқаришни ривожлантириш бўйича йиғилиш;
— Сешанба куни давлат активларини хусусийлаштириш жараёнлари, пайшанба куни узум етиштириш ва қайта ишлаш масалалари бўйича тақдимотлар;
— 30 июнь куни Ўзбекистон ёшлари ва талабалари форуми доирасида ёшлар билан учрашув;
— Ҳафта давомида республика ҳудудларига амалий ташриф ҳам режалаштирилган. Бу ҳақида қўшимча тарзда батафсил маълумот берилади.
