Ўзгидромет хабарига кўра, бугун ва иш ҳафтаси давомида ҳарорат меъёрдан 5-8 даражага юқори бўлади.
Ҳаво ҳарорати кечалари +14…+17, кундузи +32…+35, жанубда ва чўл ҳудудларида эса +37…+38 даражагача бўлади. Кундузги ҳарорат шу кунлар учун бўлган максимумга яқинлашади.
Ҳафтанинг охирида Каспий денгизининг шимолий ҳудудларидан салқин ва бироз нам ҳаво массалари кириб келади. Республика ҳудудида ҳаво булутли бўлиши кутилмоқда, лекин, ёғингарчилик эҳтимоли кам бўлади.
Кундузги ҳарорат +27…+32 даражагача бироз пасаяди, аммо, меъёрдан юқори бўлиб қолади.
