14 июлдан 23 июлга қадар Лондонда паралимпиячилар ўртасида енгил атлетика бўйича Жаҳон Чемпионати ўтказилмоқда. Чемпионатда Ўзбекистоннинг 7 нафар вакили қатнашмоқда.
Дониёр Салиев 7.18м. натижа билан навбатдаги олтин медални қўлга киритди ва Осиё рекордини янгилади. 2 ўринни Швеция спортчиси Жонсон Тобиас 6.99м. натижа билан эгаллаган бўлса, 3 ўрин 6.77м. натижа билан Белоруссиялик Бурдуков Сергейга насиб этди.
Эслатиб ўтамиз, ушбу чемпионатнинг олтин медалини шунингдек, Хусниддин Норбеков ҳам 54.73 натижа билан қўлга киритган эди.
