АҚШ инсон ҳуқуқларини поймол этиш ва коррупция жиноятини содир этганликда айбланган шахсларга нисбатан санкция жорий қилди. Рўйхатга дунёнинг турли давлатларидан 13 нафар киши ҳамда мазкур кишиларга алоқадор 39 та ташкилот киритилган.
АҚШ Молия вазирлиги сайтида ёзилишича, "Гулнора Каримова бизнес фаолиятини ривожлантириш учун давлат мулкини талон-тарож қилишда, кучли уюшган жиноятчилик гуруҳини бошқариш, бозор монополиясини яратиш, порахўрлик ва босқинчиликда" айбланган.
Эслатиб ўтамиз, жорий йилнинг июль ойида Г.Каримовага нисбатан Ўзбекистон Республикаси Жиноят кодексининг 6 та моддалари билан айблов эълон қилинган ва унга нисбатан қамоққа олиш тарзидаги эҳтиёт чораси қўлланилган.
