Ўзбекистон Республикаси Бош прокуратураси жамоатчилик билан алоқалар ва ҳуқуқий ахборот бўлими бошлиғи Гулноза Раҳимова танасидан 16 дона игна топилган 11 ойлик чақалоқ масаласи бўйича расмий баёнат берди.
Унинг сўзларига кўра, 24 январда Фарғона вилояти Тошлоқ тумани прокуратураси томонидан жиноят иши қўзғатилган. Айни вақтда тергов ҳаракатлари давом эттирилмоқда.
Эслатиб ўтамиз, Фарғона вилоятида 11 ойлик чақалоқ танасидан 16 дона игна топилган эди.
17 январь куни 11 ойлик чақалоқ соғлиги ёмонлашгани сабабли Тошкентга олиб келинган. Тегишли текширувлар ўтказилганидан сўнг, чақалоқ танасида игналар 1-1.5 ой давомида мавжуд бўлгани аниқланган. 18 январь куни ўтказилган жарроҳлик амалиётида чақалоқ танасидан 13 дона игна чиқариб олинган.
Профессор Оқилов Ҳабибулла Атауллаевичнинг хабар беришича, чақалоқ шунча игнани ўзи ютиб юбориши мумкин эмас. Рентген натижаларига кўра, игналар тананинг турли жойларида бўлган. Бундан хулоса қилиш мумкинки, игналар чақалоқ танасига бошқа шахс томонидан тиқилган.
