Эслатиб ўтамиз, Отахонов 27 сентябрь куни Туркиядан қайтганида Тошкент аэропортида қўлга олинган эди. Ёзувчи Ўзбекистон Республикаси Жиноят кодексининг 159-моддаси 1-қисми («Ўзбекистон Республикаси конституциявий тузумига тажовуз қилиш») ҳамда 244-1 моддаси, 3-қисми, «г» банди («Жамоат хавфсизлиги ва жамоат тартибига таҳдид солувчи материалларни тайёрлаш, сақлаш, тарқатиш ёки намойиш этиш, оммавий ахборот воситалари ёки телекоммуникация тармоқларидан, шунингдек, интернет жаҳон ахборот тармоғидан фойдаланиб содир этиш») билан айбланган.
Айни вақтда жиноят иши юзасидан дастлабки тергов ишлари давом этмоқда.
Қайд қилиб ўтамиз, ёзувчи қўлга олингани ҳақидаги хабар жамоатчилик резонансига сабаб бўлди. 1000 га яқин одам Нурулло Отахонов озод этилиши ҳақида интернет-петиция имзолади.
Отахоновнинг ўғли Facebook ижтимоий тармоғидаги саҳифасида қайд этишича, Нурулло Муҳаммад Рауфхон яқин орада ижтимоий тармоқларга видеохабар билан чиқади.
