Давлатимиз раҳбари Остонага ташрифининг илк кунида Покистон Бош вазири ва Афғонистон Президенти билан учрашди.
Музокаралар доирасида икки томонлама ҳамкорлик масалалари муҳокама қилинди.
Ундан кейин, ШҲТга аъзо давлатлар раҳбарлари “Остона Опера” театрига ташриф буюришди. Театрда ШҲТга аъзо давлатлар раҳбарлари йиғилишига бағишланган концерт бўлиб ўтди. Концерт давомида Шавкат Мирзиёев ва Владимир Путин қисқа мулоқот қилдилар.
Концертда қозоқ халқ қўшиқлари ва дунёнинг турли хил халқлари мусиқалари янгради.
