Қозоғистон Миллий хавфсизлик қўмитаси чегара хизмати ходимлари республика жанубида тартибсизликларда иштирок этганлиги тахмин қилинган шахсни қўлга олди. Бу ҳақда Қўмита Матбуот хизмати хабар берди.
Хабарга кўра, “Жибек йўли” (Туркистон вилояти) назорат-ўтказиш пунктида 1993 йилда туғилган фуқаро “Э” Ўзбекистонга кетмоқчи бўлган вақтида ушланган.
Қўлга олинган шахснинг мобиль телефонида Чимкентдаги тартибсизликлар содир бўлган жойда олинган видео тасвирлар бўлган. Унинг орқа қисмида ўқ жароҳати бор. Тахминларга кўра, резина ўқдан.
Қўлга олинган шахс Сариоғаш тумани ИИБ ходимларига топширилган.
