19 январь куни "Амирсой" дам олиш масканидаги канатлар олдида қор кўчиши кузатилди. Бу ҳақда Чимён қор кўчки станцияси кузатувчиси хабар берди.
Қайд этилишича, катта миқдордаги қор кўчкисидан ҳеч ким жабрланмаган. Кучли қор бўрон кузатилиши тўғрисидаги огоҳлантирув хати асосида масканга аҳоли вақтинча қабул қилинмаган.
Фавқулодда вазиятлар вазирлиги хизмати томонидан қор кўчки атрофи зудлик билан огоҳлантирувчи тўсиқлар билан ўраб олинган.
Мутахассислар фикрига кўра, 16 январь куни ҳам "Амирсой"га яқин ҳудудларда иккита катта ҳажмда қор кўчкиси кузатилган.
